უბ­ნის ბი­ჭე­ბი აბუ­ლინ­გებ­დნენ... რას არ იგო­ნე­ბენ, მო­ნა­ზონ­მა დე­დამ მიც­ვა­ლე­ბულ­ზე უარი თქვაო - ახალი დეტალები ნოდარ ათუაშვილსა და მის ოჯახზე

გავრცელებული ინფორმაცია, თითქოს საგარეჯოში მომხდარი თავდასხმის განმახორციელებლის, ყოფილი სამხერო, ნოდარ ათუაშვილის ცხედარი დედამ არ მიიღოო, არასწორია. ინფორმაციას ambebi.ge ათუაშვილის მეზობელზე დაყრდნობით ავრცელებს.

ყოფილი სამხედროს მეზობლის განმარტებით, ათუაშვილის დედა რამდენიმე წლის წინ გარდაიცვალა.

"ნო­და­რი 6 წე­ლია, რაც ცოლ­თან გა­ცი­ლე­ბუ­ლია. მე­უღ­ლე - ირმა უა­ღე­სად კარ­გი გო­გოა, ამ­ჟა­მად სად იმ­ყო­ფე­ბა, არ ვი­ცით, ამ ამ­ბის შემ­დეგ არ გა­მო­ჩე­ნი­ლა. რას არ იგო­ნე­ბენ, მო­ნა­ზონ­მა დე­დამ მიც­ვა­ლე­ბულ­ზე უარი თქვაო... ნო­დარს დედა ცო­ცხა­ლი არ ჰყავს, დედა ევა (სა­ე­რო სა­ხე­ლი - რუ­სუ­და­ნი) წე­ლი­წად­ნა­ხევ­რის წინ გარ­და­იც­ვა­ლა. ნო­დარს დე­დას­თა­ნაც და დას­თა­ნაც ნორ­მა­ლუ­რი ურ­თი­ერ­თო­ბა ჰქონ­და.

ნო­დარს და ირ­მას 2 შვი­ლი ჰყავთ, ვერ შე­ე­წყვნენ და გა­ცილ­დნენ. შვი­ლი, რო­მე­ლიც იმ სა­ღა­მოს ნო­დარ­თან ერ­თად იყო, უაღ­რე­სად კარ­გი, პა­ტი­ო­სა­ნი და გა­ნათ­ლე­ბუ­ლი ბი­ჭია, ისე­თი, ახ­ლან­დელ დრო­ში რომ სან­თლით სა­ძე­ბა­რია.

რა მოხ­და სრო­ლამ­დე, შვი­ლი არა­ფერს ამ­ბობს. ნო­და­რი არც მა­ნამ­დე გვი­შა­ვებ­და რა­მეს და გარ­დაც­ვლი­ლი განა რას დაგ­ვი­შა­ვებ­და, მაგ­რამ ეზო­ში 4 მიც­ვა­ლე­ბუ­ლი იყო და ვინ რას იზამ­და, არა­ვინ იცის, ამი­ტომ არ და­ვას­ვე­ნე­ბი­ნეთ, ამის გვე­ში­ნო­და და შუ­რის­ძი­ე­ბას მო­ვე­რი­დეთ. ისე, ნო­და­რი მარ­თლა ჩა­კე­ტი­ლი იყო, არა­ვის­თან ჰქონ­და ახლო ურ­თი­ერ­თო­ბა, კაი გა­მარ­ჯო­ბა-გა­გი­მარ­ჯოს და ეს იყო. ან აქ სად იყო, მან მეტი წილი ჯარ­ში გა­ა­ტა­რა, 2008 წლის ომში, სამ­ჯერ ავ­ღა­ნეთ­ში და ამ დროს, უბ­ნის ბი­ჭე­ბი აბუ­ლინ­გებ­დნენ. ჯან­მრთე­ლი ადა­მი­ა­ნი რომ გამ­წარ­დე­ბა, ის რას იზამს, კაც­მა არ იცის და მით უფრო მისი ფსი­ქი­კის პატ­რო­ნი. მე­ზობ­ლებს ნო­და­რიც ძა­ლი­ან გვე­ცო­დე­ბა...

თუ არ ვცდე­ბი, მიც­ვა­ლე­ბუ­ლი და­სავ­ლეთ­ში წა­ას­ვე­ნეს და იქ დაკ­რძა­ლეს. მისი ცხე­და­რი არც სა­გა­რე­ჯომ მი­ი­ღო და არ მა­ნავ­მა, სა­დაც მისი ფუძე იყო, ყვე­ლას შე­ე­შინ­და მო­სა­ლოდ­ნე­ლი გარ­თუ­ლე­ბე­ბის. ჩვენ ჯე­რაც შოკ­ში ვართ, მდგო­მა­რე­ო­ბი­დან არ გა­მოვ­სულ­ვართ. მა­მა­ოს შვი­ლი, რო­მე­ლიც ბი­ჭე­ბის და­სახ­მა­რებ­ლად ჩა­ვი­და, და­იჭ­რა და დღეს­დღე­ო­ბით ისევ მძი­მე­დაა, თბი­ლის­ში გა­და­იყ­ვა­ნეს სამ­კურ­ნა­ლოდ. ძა­ლი­ან კარ­გი ბი­ჭია, ღმერ­თმა გა­დაგ­ვირ­ჩი­ნოს", - აცხადებს გამოცემასთან მეზობელი.~

ცნობისთვის, 20 იანვარს ყოფილმა სამხედრომ, ნოდარ ათუაშვილმა მეზობლებს ცეცხლი გაუხსნა. შემთხვევის შედეგად 5 ადამიანი დაიღუპა, 6 დაიჭრა. პოლიციის ინფორმაციით, თავდამსხმელმა თავი მოიკლა.