"უკრაინის და ევროკავშირის დროშები ჩამოხსნეს, დასაფასებელია" - კოკა მორგოშია

"ალტ ინფოს" დამფუძნებელი, კოკა მორგოშია სოციალურ ქსელში პოსტს აქვეყნებს და წერს, რომ 26 მაისის დღესასწაულზე, ევროკავშირის დროშების ჩამოხსნა სწორი გადაწყვეტილებაა.

"რეალური დამოუკიდებლობა ჯერ ისევ შორსაა!!! მაგრამ წელს უკრაინის და ევროკავშირის დროშები მაინც ჩამოხსნეს და ესეც დასაფასებელია!!! 

ბრძოლას ყოველთვის აქვს აზრი!!! დიდება უფალს!!! გაუმარჯოს საქართველოს!!!", - წერს კოკა მორგოშია.

ცნობისთვის, მოქალაქეებისა და ოპოზიციის ნაწილის პროტესტი გამოიწვია სოციალურ ქსელში გავრცელებულმა ფოტოებმა, რომლის მიხედვითაც გასული წლისგან განსხვავებით, 26 მაისთან დაკავშირებით პარლამენტის შენობა წელს ევროკავშირის დროშით აღარ იქნება გაფორმებული.