ჭიათურაში, გაფიცულმა მაღაროელებმა მსვლელობა გამართეს (ვიდეო)
ჭიათურის ქუჩები პროტესტმა მოიცვა. ცოტა ხნის წინ, გაფიცულმა ათასობით მაღაროელმა ქალაქში მსვლელობა მოაწყო.
3 ათასზე მეტი დასაქმებული კომპანიის მიერ შეთავაზებულ პირობებს აპროტესტებს და არსებული წინადადებით მუშაობის გაგრძელებას არ აპირებენ.
“ჩვენ უკან დახევას არ ვაპირებთ, რადგან უკან დასახევი გზა არ გვაქვს, ყველაზე რთული სამსახური გვაქვს, მიწის ქვეშ შევდივართ კილომეტრებზე, ჩვენს სიცოცხლეს ვდებთ სასწორზე, ჩვენს ჯანმრთელობას ვიზიანებთ. ამიტომ, გვჭირდება კონკრეტული პასუხები კონკრეტულ კითხვებზე და სანამ ამას არ მივიღებთ, პროტესტს არ შევწყვეტთ”, – აცხადებს გაფიცული მაღაროელი.
