„გამოვდივარ ინიციატივით, შევუგროვოთ ფული სალომე ზურაბიშვილს დაგეგმილი ვიზიტების განსახორციელებლად“ - გია ხუხაშვილი
ექსპერტი, გია ხუხაშვილი სოციალურ ქსელში წერს.
„გამოვდივარ ინიციატივით, ყველამ, ვისაც საქართველო ევროკავშირში უნდა იხილოს, შევუგროვოთ ფული სალომე ზურაბიშვილს დაგეგმილი ვიზიტების განსახორციელებლად.
გავიდეს შვებულებაში და კერძო ტურისტული მოგზაურობები განახორციელოს. ვფიქრობ, რომ არავინ ეტყვის იქ უარს ყველა დაგეგმილი შეხვედრის ამ უცნაურ ფორმატში გადატანაზე.
ვფიქრობ, მოვლენების განვითარებისთვის ეს სასარგებლოც კი შეიძლება იყოს…“ - წერს ხუხაშვილი.
ცნობისთვის, მთავრობამ პრეზიდენტს 10 ქვეყანაში, მათ შორის უკრაინაში ვიზიტის ნებართვა არ მისცა.
