"ბავშვის კივილი მესმოდა, გოგოსი, გავგიჟდი… მამაჩემმა ესროლაო, ყვიროდა" - რას ამბობს ადგილობრივი დოლიძეზე მომხდარ სასტიკ მკვლელობაზე?

დოლიძის ქუჩაზე სასტიკად მოკლული ახალგაზრდა ქალი ვერონიკა ქუმსიაშვილია, ის ყოფილმა ქმარმა გურამ ქადეიშვილმა მოკლა.

ორმაგი მკვლელობის შემდეგ ქადეიშვილმა ჭრილობები თავადაც მიიყენა. როგორც გავრცელდა ინფორმაცია სანამ მამაკაცი ყოფილ ცოლს მოკლავდა ეუბნებოდა შემირიგდიო, სავარაუდოდ უარი მიიღო და ამის გამო შვილების თვალწინ მოკლა ყოფილი ცოლი და სიდედრი.

არსებული ინფორმაციით, მკვლელობას უმძიმეს დანაშაულში ბრალდებული კაცისა და მოკლულის არასრულწლოვანი შვილები, 13 და 15 წლის მოზარდები შეესწრნენ. საქმის ოქროს მოწმეა ერთი პირი, რომელიც სროლის დროს ტუალეტში იყო ჩაკეტილი.

ადგილობრივების თქმით, მომხდარის შესახებ მას შემდეგ გაიგეს, რაც გარდაცვლილის შვილები განწირული ხმით ყვიროდნენ და დახმარებას ითხოვდნენ.

"ბავშვები იყვნენ კიბესთან და მამა, ამას არ გაპატიებო, უფროსი გოგო ამბობდა. მეგონა, მეუღლე ხელით შეეხო. ამ დროს სასწრაფოც მოვიდა, პოლიციაც, ბავშვებს აწყნარებდნენ. სროლის ხმა არ გამიგია…

ბავშვის კივილი მესმოდა, გოგოსი, გავგიჟდი… მამაჩემმა ესროლაო, ყვიროდა“, – ამბობენ ადგილობრივები.