ჩვენ რომ დაგვეწესებინა ეროვნული სანქციები რუსეთისთვის, კოლაფსი იქნებოდა ყველა მიმართულებით - ირაკლი ღარიბაშვილი
როგორც ლატვიის პრეზიდენტმა თქვა, ჩვენ რომ დაგვეწესებინა ეროვნული სანქციები რუსეთისთვის, 10%-იანი ეკონომიკური ზრდა კი არ გვექნებოდა, გვექნებოდა 10%-იანი ვარდნა, - ამის შესახებ პრემიერ-მინისტრმა ირაკლი ღარიბაშვილმა განაცხადა.
„ლატვიის პრეზიდენტის განცხადება მორიგი შეუთავსებლობაა და მოდის წინააღმდეგობაში ჩვენი ხელისუფლების გაცხადებულ პოლიტიკასთან. ჩვენ ვთქვით, რომ არცერთ ნაბიჯს არ გადავდგამთ ჩვენი ხალხის ეროვნული ინტერესების საზიანოდ და ეს ასეცაა. როგორც ლატვიის პრეზიდენტმა თქვა, ჩვენ რომ დაგვეწესებინა ეროვნული სანქციები რუსეთისთვის კი არ გვექნებოდა 10%-იანი ეკონომიკური ზრდა, გვექნებოდა 10%-იანი ვარდნა. აქ კოლაფსი იქნებოდა ყველა მიმართულებით. ბიუჯეტი ბოლო სამი წელია რამდენჯერმე გავზარდეთ. ახლაც გავზრდით და მთავრობაზე იქნება კორექტირებული ბიუჯეტი. ასე რომ მიუღებელია ლატვიის პრეზიდენტის განცხადება“, - აღნიშნა ღარიბაშვილმა.
