სიდნეიში, ერთ-ერთ ეკლესიაში მამაკაცმა ქადაგების დროს ეპისკოპოსი და კიდევ რამდენიმე ადამიანი დაჭრა
სიდნეიში, ერთ-ერთ ეკლესიაში მამაკაცმა ქადაგების დროს ეპისკოპოსი და კიდევ რამდენიმე ადამიანი ცივი იარაღით დაჭრა, - ამის შესახებ ინფორმაციას BBC-ი ავრცელებს.
მომხდართან დაკავშირებით დაკავებულია ერთი მამაკაცი, რომელიც გამოძიებასთან თანამშრომლობს. დაშავებულებს სასწრაფო სამედიცინო სამსახურის ექიმებმა დახმარება აღმოუჩინეს და მათ სიცოცხლეს საფრთხე არ ემუქრება.
შეგახსენებთ, რამდენიმე დღის წინ სიდნეის სავაჭრო ცენტრში მამაკაცმა დანით ექვსი ადამიანი მოკლა. მათ შორის ერთ-ერთი საქართველოს მოქალაქე, 55 წლის ქალი.
