„მუდამ ვილოცებ შენთვის“ - სიდნეიში, დაჭრილმა ეპისკოპოსმა თავდამსხმელს ჩადენილი დანაშაული მიუტევა
ეპისკოპოსმა მარ მარი ემანუელმა, რომელიც 15 აპრილს, სიდნეის ერთ-ერთ ეკლესიაში ქადაგებისას დაჭრეს, თავდამსხმელს ჩადენილი დანაშაული მიუტევა.
„მუდამ ვილოცებ შენთვის. ვინც გამოგგზავნა ამის გასაკეთებლად, მათაც ვაპატიებ იესოს ძლევამოსილი სახელით“ - აცხადებს ეპისკოპოსი მარ მარი ემანუელი.
სასულიერო პირის თქმით, ნერვიულობის საფუძველი არ აქვს და თავს კარგად გრძნობს.
ტელეკომპანია ABC-ის ცნობით, ეკლესიაში მომხდარი თავდასხმის ფაქტზე 16 წლის მოზარდია დაკავებული. ამ ეტაპზე, პოლიცია დანაშაულის მოტივს იძიებს.
