ისაკო დევიძე, რომელიც მშრალ შიმშილობაზეა, იზოლატორიდან ვივამედში გადაჰყავთ
აქციაზე დაკავებული ისაკო დევიძე, რომელმა წინასწარი დაკავების იზოლატორში მშრალი შიმშილობა გამოაცხადა, ვივამედის კლინიკაში გადაჰყავთ. როგორც მისმა ადვოკატმა, ლაშა ტყეშელაძემ აღნიშნა, თვითონაც კლინიკაში მიდის და ამ ეტაპისთვის გადაყვანის მიზეზები ან დაკავებულის მდგომარეობაზე ინფორმაცია არ აქვს.
ისაკო დევიძე 19 ნოემბერს მელიქიშვილის გამზირზე საპროტესტო აქციის დაშლისას დააკავეს. მას სასამართლომ 8-დღიანი ადმინისტრაციული პატიმრობა მიუსაჯა. ამის შემდეგ დევიძემ იზოლატორში შიმშილობა დაიწყო.
