თეგებით ძიება

სოფელი, სადაც სახლებს კარი არ აქვთ - რატომ არ მალავენ ინდურ სოფელში მცხოვრებლები ფულს და ძვირფასეულობას?

ინდოეთის სოფელ შანი-შინგაპურში (Shani Shingnapur) ერთადერთი შენობა, რომელსაც კარი აქვს ბანკია და ისიც არასოდეს იკეტება - ბანკს კარი ქურდებისგან კი არა, მაწანწალა ძაღლებისგან იცავს. 

ამ სოფელში ხალხს კარი და საკეტები არაფერში სჭირდება. სოფლის ყველა მცხოვრებმა იცის, რომ მოსახლეობის ქონებას და ძვირფას ნივთებს ღვთაება შანი იცავს. თუ ვინმემ ქურდობა გაბედა, ღვთაება შვიდწლიანი უიღბლობით დასჯის.

სოფელში არის პოლიციის განყოფილება, რომელსაც წლების მანძილზე ერთი საჩივარიც კი არ მიუღია. სოფლის ქუჩებში მდგარი ყველა მანქანა ღიაა, მაღაზიის მფლობელები ფულს ხის ყუთებში ინახავენ და აზრდასაც არავის მოსდის, რომ სამკაულების ზარდახშა ჩაკეტოს.

ლეგენდის მიხედვით, დიდი ხნის წინ, შანი-შინგაპურთან მდინარემ დიდი შავი ქვა გამოირიყა. როდესაც ქვით შეეხენ, იქიდან სისხლმა იფეთქა. ღამით სოფლის მმართველს ღვთაება შანი დაესიზმრა და უთხრა, რომ ეს ქვა მისი კერპი იყო, ამიტომ სოფლის მთავარ მოედანზე უნდა დაედგათ და სოფელს დაიცავდა. შანი-შინგაპურის მცხოვრებლები ასე მოიქცნენ და მას შემდეგ კარი აღარავის სჭირდება.

გასული საუკუნის 90-იან წლებამდე შანი-შინგაპური გარე სამყაროდან იზოლირებულად ცხოვრობდა, სანამ აქ ბოლივუდელი კინორეჟისორები არ გამოჩნდნენ.

განაგრძეთ კითხვა


თეგები


მსგავსი სიახლეები

რეკომენდირებულია თქვენთვის

ყველა

აღმოაჩინეთ მეტი Tia-დან

ყველა