მტკვარზე კიდევ ორი - ქსანი 1-ისა და ქსანი 2-ის ჰესები მშენებლობა იგეგმება

მცხეთის მუნიციპალიტეტში მდინარე მტკვარზე კიდევ ორი ჰიდროელექტროსადგურის - ქსანი 1-ისა და ქსანი 2-ის მშენებლობა იგეგმება. ამის შესახებ გარემოსდაცვითი ზედამხედველობის დეპარტამენტისთვის წარდგენილი სკოპინგის ანგარიშიდან ხდება ცნობილი. პროექტს შპს "ენ-სი 2022" ახორციელებს.

ქსანი 1-ის და ქსანი 2-ის ჰესები კალაპოტური ტიპის იქნება და ისინი ერთმანეთის მიყოლებით მდინარე მტკვარზე განთავსდება. პირველი ჰესის სიმძლავრე 18.3 მეგავატი, მეორე ჰესის სიმძლავრე კი 19.4 მეგავატი იქნება. შესაბამისად, მათი ჯამური სიმძლავრე 37.7 მეგავატს შეადგენს. ჰესების წლიური გამომუშავება 204 მილიონი კილოვატ საათი უნდა იყოს.

პროექტი მოიცავს სათავე ნაგებობის, კაშხლისა და სააგრეგატო დაბრაზის, ასევე თევზსავალის მოწყობას.

ამასთან, კომპანია „ენ-სი 2022“ მდინარე მტკვარზე კიდევ სამი ჰესის მშენებლობას გეგმავს:

• გრაკალი ჰესი - 17 მეგავატის სიმძლავრის;
• ოსიაური ჰესი - 14.2 მეგავატის სიმძლავრის;
• კასპი ჰესი - 22.4 მეგავატის სიმძლავრის;

ამ შესაბამისად, როგორც ქსანი 1-ის ასევე ქსანი 2-ის და ამ სამი ჰესის ჯამური დადგმული სიმძლავრე 91.3 მეგავატს მიაღწევს.

ბიზნეს რეესტრის თანახმად, კომპანია "ენ-სი 2022" 2022 წელს დაფუძნდა, მისი დირექტორია გოჩა მუსელიანი, რომელიც ამავდროულად კომპანია "იმერ ენერჯი კაპიტალის" დირექტორიცაა. აღნიშნული კომპანია იმერეთში, თერჯოლის მუნიციპალიტეტში მდინარე ძევრულაზე ძევრა ჰესების კასკადის მშენებლობას გეგმავს. როგორც "ენ-სი 2022"-ის ასევე "იმერ ენერჯი კაპიტალის" მფლობელი ბიზნესმენი კოკა კოკოლაშვილია.

წყარო