5 ყველაზე გავრცელებული შეცდომა სახლის მშენებლობისას - რაზე გავამახვილოთ ყურადღება?

საკუთარი სახლის აშენება ერთ-ერთი ყველაზე ემოციური, მაგრამ საპასუხისმგებლო პროცესია. ყველაფერი რომ იდეალურად წარიმართოს, დეტალებზე ყურადღების გამახვილებაა საჭირო. თუმცა სწორედ აქ იკვეთება შეცდომები - ზოგჯერ ზედმეტი სიჩქარე, ზოგჯერ ზედმეტი ნდობა, ხანდახან კი ინფორმაციის ნაკლებობა.

გთავაზობთ 5 ყველაზე გავრცელებულ შეცდომას, რომელსაც აუცილებლად უნდა აარიდო თავი მშენებლობისას:

1.არასაკმარისად გააზრებული პროექტი

ბევრი სახლის მშენებლობას იწყებს მხოლოდ ზოგადი წარმოდგენით - ზომებზე, სართულებზე ან ოთახების რაოდენობაზე. დეტალური არქიტექტურული და საინჟინრო პროექტის გარეშე კი პროცესში იჩენს თავს სივრცითი პრობლემები, დამატებითი ხარჯები და გადაკეთების საჭიროება.

 2. არასაკმარისი ბიუჯეტის დაგეგმვა

ბიუჯეტის მხოლოდ ძირითადი სამუშაოების გათვალისწინება ერთ-ერთი ყველაზე სერიოზული შეცდომაა. უმეტესად, დამატებითი ხარჯები პროექტის მსვლელობისას ჩნდება და ეს არაპროგნოზირებადობა პრობლემებს ქმნის.

3. არასწორი მასალების ან შესრულების ხარისხის არჩევა

დაბალი ფასის გამო ბევრს უჩნდება ცდუნება, გამოიყენოს იაფი, არაბრენდირებული სამშენებლო მასალები. ეს ხშირად დროებითია და მომავალში მალევე შესაცვლელი ხდება. იგივე ეხება უვარგისად შესრულებულ სამუშაოებსაც.

 4. სამართლებრივი დოკუმენტაციის უგულებელყოფა

გათვალე, რომ ზედმიწევნით დაგეგმარებული სახლი შეიძლება უკანონო მშენებლობად ჩაითვალოს, თუ შესაბამისი ნებართვები და პროექტის თანხმობა არ გაქვს.

 5. მშენებლობის ზედამხედველობის არქონა

ბევრი ფიქრობს, რომ ხელოსანი ყველაფერს თავად მოაგვარებს. სინამდვილეში კი, ზედამხედველობის გარეშე ხშირად ხდება ხარვეზები, დაბალი ხარისხი და ვადების გადაცილება.

საკუთარი სახლის აშენება მხოლოდ აგურის დაწყობა არ არის - ეს შენი ფუნდამენტია, შენი ისტორიის საწყისი. ყველა დეტალი, რომელიც დღეს გააზრებულად დაგეგმე, ხვალ სიმშვიდის, კომფორტისა და წარმატებული ცხოვრების გარანტია გახდება.

არ იჩქარო - იფიქრე, დაგეგმე და ააშენე ის სახლი, სადაც ნამდვილად იცხოვრებ, და არ უბრალოდ იარსებებ.