როგორია ახალაშენებული კერძო სახელების ფასი თბილისის უბნების მიხედვით?

2025 წლის მესამე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი 0.6%-ით გაიზარდა, ხოლო წლიურმა ზრდამ 7.0 % შეადგინა. ამის შესახებ მონაცემებს საქსტატი ავრცელებს.

მათივე ინფორმაციით, წელს საანგარიშო პერიოდში, 2020 წლის საშუალოსთან შედარებით, ინდექსი 57.0%-ით არის გაზრდილი.

სტატისტიკის მიხედვით, 2025 წლის მესამე კვარტალში, წინა კვარტალთან შედარებით, ფასების ზრდა დაფიქსირდა როგორც საცხოვრებელი ბინების სეგმენტში (0.5%), ისე კერძო სახლების (1.2 %). ამასთან, 2024 წლის მესამე კვარტალთან შედარებით ფასების ზრდა დაფიქსირდა ორივე სეგმენტში - ბინებზე 6.9%-ით, ხოლო კერძო სახლებზე 7.2 %-ით.

სტატისტიკის მიხედვით, ახალაშენებული კერძო სახლები ყველაზე იაფია ნაძალადევში, ხოლო ყველაზე ძვირი მთაწმინდაზე.

უფრო კონკრეტულად, „ბიზნესპრესნიუსი“ საქსტატზე დაყრდნობით, გთავაზობთ მონაცემებს, როგორია კერძო სახელების ფასი უბნების მიხედვით (კვ.მ-ის ღირებულებით):

• მთაწმინდა - 4 780 ლარი
• ვაკე - 4 511 ლარი
• დიდუბე - 3 976 ლარი
• ჩუღურეთ - 3 274 ლარი
• სამგორი - 3 060 ლარი
• ისანი - 3 047 ლარი
• კრწანისი - 2 937 ლარი
• გლდანი - 2 853 ლარი
• ნაძალადევი - 2 510 ლარი