ივანიშვილი საკონსტიტუციო სასამართლოზე საუბრობს
საკონსტიტუციო სასამართლოს შესახებ კანონში შესატან ცვლილებებზე კითხვებს უპასუხა ყოფილმა პრემიერმინისტრმა ბიძინა ივანიშვილმა. მისი თქმით, საბოლოო ჯამში მოხდა შეთანხმება, რაც იშვიათია ბოლო პერიოდში.
“ყველა გზა რუსთავი 2-თან მიდის, მე არ ვარ მომზადებული ამ თემასთან დაკავშირებით. მე ვიცი, რომ პარლამენტი ირჩევს ერთს, ოთხს უმთავრდება და ერთს ირჩევს სასამართლო და ორს პრეზიდენტი. ზოგადად თქვენ ნახეთ, რომ პარლამენტმა მოახდინა ცვლილებები საკონსტიტუციო სასამართლოსთან დაკავშირებით, იმის შემდგომ პრეზიდენტმა დაადო ვეტო, შემდგომ ჩაერთო ვენეციის კომისია და საბოლოო ჯამში აბსოლუტური შეთანხმება მოხდა, რაც იშვიათია ჩვენს ბოლო პოლიტიკურ ცხოვრებაში“ - განაცხადა ბიძინა ივანიშვილმა.
