გერმანიაში ქურდობისა და ძარცვის ბრალდებით საქართველოს 12 მოქალაქე დააკავეს
მასშტაბური სპეცოპერაცია გერმანიაში. მასობრივი ქურდობისა და ძარცვის ბრალდებით დაკავებულია საქართველოს 12 მოქალაქე. ამოღებულია დიდი რაოდენობით ამანათები რომელიც, ძირითადად, ნაქურდალი ნივთებით იყო შევსებული.
გამოძიება საქმეზე 2022 წლის თებერვალში, ბავარიაში დაიწყო. დაკავებულები ბრალდებულნი არიან ქურდობასა და ძარცვაში ბავარიის მხარის ტერიტორიაზე. გამოძიების ცნობით, მთავარი ეჭვმიტანილი 54 წლის საქართველოს მოქალაქეა, რომელიც ერთ-ერთი ქართული საფოსტო კომპანიის კონტრაქტორია.
გამოძიების მიხედვით, კაცი პასუხისმგებელი იყო ამანათების გერმანიიდან საქართველოში გაგზავნაზე. 2023 წლის მარტიდან ის აწვდიდა ნაძარცვ ნივთებს საქართველოში დაქირავებული სატვირთო მანქანით. მოპარულ ნივთებშია ველოსიპედები, მობილური ტელეფონები, სხვადასხვა სახის ელექტრონიკა, ტანსაცმელი, ალკოჰოლური სასმელები, სუნამოები და კოსმეტიკა.
