ევროსაბჭოს საპარლამენტო ასამბლეის დეპუტატების დეკლარაცია
ევროსაბჭოს საპარლამენტო ასამბლეის წევრმა, პიტერ ომციგმა ასამბლეის დეპუტატების ერთობლივი დეკლარაცია გაავრცელა, სადაც საუბარია საქართველოში წინასაარჩევნო გარემოზე, კორცხელის ინციდენტსა და ვანო მერაბიშვილის საქმეზე.
დეპუტატმა დეკლარაცია სამდივნოში უკვე წარადგინა, რის შემდეგაც ის ოფიციალურად ვებ გვერდზე გამოქვეყნდება, მასზე 50-მდე დეპუტატი აწერს ხელს, მათ შორის უკრაინელი დეპუტატი, ნადია სავჩენკო.
„ვანო მერაბიშვილზე მომზადებულ დეკლარაციას ხელს აწერს 50 ადამიანი. ხშირად არ ხდება, რომ ქვეყნა მე-18 მუხლის გამო გაიკიცხა, რაც იმას ნიშნავს, რომ ვიღაცას ციხეში სხვა და არა სამართლებრივი მზეზით სვამენ, ამ შემთხვევაში პოლიტიკური მიზეზია. სასამართლომ დაადგინა, რომ წინასწარი დაკავების გახანგრძლივება მე-18 მუხლის დარღვევაა, ეს სამარცხვინოა საქართველოსთვის,“- განაცხადა ომციგმა.
ავტორი: თამარ ნუცუბიძე.
