მარგველაშვილმა უშიშროების საბჭოს საგანგებო სხდომა დანიშნა
საქართველოს პრეზიდენტმა გიორგი მარგველაშვილმა თურქეთში განვითარებულ მოვლენებთან დაკავშირებით უშიშროების საბჭოს საგანგებო სხდომა დანიშნა.
საბჭოს მუდმივმოქმედი წევრები პრეზიდენტის სასახლეში 03:00 საათზე შეიკრიბებიან.
"უშიშროების საბჭოშ ყველა მუდმივმოქმედი წევრი, ვინც კი თბილისშია, პრეზიდენტის სასახლეში შეიკრიბება. ბათუმში, საერთაშორისო კონფერენციაზე, იმყოფებიან საგარეო საქმეთა და თავდაცვის მინისტრები, რის გამოც ისინი სხდომაზე ყოფნას ვერ მოახერხებენ," - განუცხადა რუსთავი2-ს უშიშროების საბჭოს მდივანმა, ირინე იმერლიშვილმა.
სხდომის დაწყებისთანავე კურიერის ჟურნალისტი პრეზიდენტის სასახლიდან ბოლო ინფორმაციით პირდაპირ ეთერში ჩაერთვება.
