"დიდი კითხვის ნიშანია პოლიტიკურ ნდობასა და ლეგიტიმაციას შორის"
პრეზიდენტი და მისი ადმინისტრაცია საკონსტიტუციო კომისიის მუშაობაში არ ჩაერთვებიან- ამ საკითხზე გიორგი მარგველაშვილის ადმინისტრაციის უფროსმა დამატებითი განმარტება კურიერის პირდაპირ ეთერში გააკეთა.
გიორგი აბაშიშვილის განცხადებით, კომისიის თანათავმჯდომარეობასთან დაკავშირებით პრეზიდენტის ინიციატივის მიზანი იყო, რომ კომისიას მაღალი ლეგიტიმაცია ჰქონდა.
„რა დადგენილებაც ვნახეთ საკონსტიტუციო კომისიის ფორმირების წესთან დაკავშირებით, ბევრ კითხვის ნიშნებს ბადებს, დიდი კითხვის ნიშანია პოლიტიკურ ნდობასა და ლეგიტიმაციას შორის. გვრჩება შთაბეჭდილება ერთპარტიულ გადაწყვეტილებებთან მიმართებაში,“- განაცხადა გიორგი აბაშიშვილმა.
