ლარი რეკორდულ მინიმუმებს ყოველ დღე ხსნის
საქართველოს ეროვნულმა ბანკმა ეროვნული ვალუტის ოფიციალური კურსი გამოაქვეყნა, რომელიც დღის ბოლოს ბანკთაშორის გამართული ვაჭრობის შედეგად დადგინდა.
ოფიციალური კურსით, 1 აშშ დოლარი ლარი 2.6599 გახდა. გუშინ ეს მაჩვენებელი 2.6154 ლარი იყო. 1 ევრო კი 2.8222 ლარი ღირს. გუშინ 1 ევროს ფასი 2.7713 ლარი იყო.
კომერციულ ბანკებსა და ვალუტის გადამცვლელ პუნქტებში კი კურსი გაცილებით მაღალია. საქართველოს ბანკში 1 აშშ დოლარის ყიდვა 2.715 ლარად არის შესაძლებელი, 1 ევრო კი 2.91 ლარი ღირს. TBC ბანკში 1აშშ დოლარის ყიდვა 2.713 ლარად არის შესძლებელი, 1 ევრო კი 2.907 ლარი ღირს.
