ვიდრე რუსეთი ნაკისრ ვალდებულებებს არ შეასრულებს, სანქციები ძალაში დარჩება
შეერთებული შტატების ვიცე პრეზიდენტის რანგში ჯო ბაიდენი ბოლო ვიზიტით იმყოფება უკრაინაში. მან შეხვედრა გამართა პრეზიდენტ პოროშენკოსთან და ამერიკელი ხალხის სახელით მხარდაჭერა კიდევ ერთხელ გამოუცხადა.
ჯო ბაიდენმა ილაპარაკა რუსეთის აგრესიულ ქმედებებზე და განაცხადა, რომ მოსკოვი დღესაც ცდილობს უკრაინას პროგრესში ხელი შეუშალოს. შეერთებული შტატების ვიცე პრეზიდენტმა საერთაშორისო გაერთიანებას რუსული აგრესიის მიმართ ერთიანობის შენარჩუნებისკენ მოუწოდა და განაცხადა, რომ ვიდრე რუსეთი ნაკისრ ვალდებულებებს არ შეასრულებს, სანქციები ძალაში დარჩება.
