"პარტიის გენერალურ მდივნად არჩევაზე მე თანხმობა არ განმიცხადებია,"-ვანო მერაბიშვილი
რამდენიმე წუთის წინ ვანო მერაბიშვილმა სოციალური ქსელით განცხადება გაავრცელა, სადაც ნაციონალური მოძრაობის დღევანდელ ყრილობაზე და პარტიაში მის სტატუსზე საუბრობს.
განცხადებას უცვლელად გთავაზობთ:
"მინდა გაცნობოთ, რომ დღეს გამართულ ერთიანი ნაციონალური მოძრაობის ყრილობაზე პარტიის გენერალურ მდივნად არჩევაზე მე თანხმობა არ განმიცხადებია,"-ნათქვამია განცხადებაში.
შეგახსენებთ, რომ დღეს ნაციონალური მოძრაობის ყრილობაზე მიიღეს რეზოლუცია, რომელშიც აღნიშნულია, რომ პარტიის გენერალური მდივნის თანამდებობაზე არ აირჩევენ არავის, რადგან მას ამ დრომდე ვანო მერაბიშვილი იკავებს და ის პოლიტპატიმარია.