საყოველთაო ჯანდაცვის პროგრამის მეორე ტალღა აპრილიდან დაიწყება
საყოველთაო ჯანდაცვის პროგრამის მეორე ტალღა აპრილიდან დაიწყება. ინფორმაცია ცვლილებების შესახებ ჯანდაცვის მინისტრმა დღეს გაასაჯაროა. პროგრამის ძირითადი ნაწილი მოქალაქეების მიზნობრივ ჯგუფებად დაყოფას გულისხმობს, რომლებიც ინდივიდუალური მიდგომებით ისარგებლებენ.
საქართველოს შრომის, ჯანმრთელობისა და სოციალური დაცვის მინისტრის, დავით სერგეენკოს, თქმით, სადაზღვეო ინდუსტრიას შეთავაზეს სადაზღვეო პაკეტის ფასის განსაზღვრა და კომპანიები 25-27 ლარის ფარგლებში მოქალაქეებს დაზღვევის პაკეტს შესთავაზებენ.
