მოსკოვი ოკუპირებულ რეგიონში და მის ფარგლებს გარეთ მასშტაბურ წვრთნებს, მათ შორის, ზღვაზე ატარებს
საზენიტო-სარაკეტო სისტემების განთავსების პარალელურად მოსკოვი ოკუპირებულ რეგიონში და მის ფარგლებს გარეთ მასშტაბურ წვრთნებს, მათ შორის, ზღვაზე ატარებს.
რუსი სამხედროების ნაწილი ოკუპირებულ აფხაზეთში მოულოდნელად გამოცხადებულ წვრთნებში მონაწილეობს. ჯარისკაცების მეორე ნაწილი კი გუდაუთის სამხედრო ბაზაზე საზენიტო-სარაკეტო სისტემის განთავსებითაა დაკავებული.
ოფიციალური თბილისი უკვე მეორე დღეა მოსკოვის მიერ ოკუპირებული რეგიონის გაძლიერებულ მილიტარიზაციას დიპლომატიური განცხადებებით პასუხობს.
