რამდენიმე საათი უვიზო მიმოსვლამდე
უვიზო მიმოსვლამდე რამდენიმე საათი რჩება. ხვალიდან საქართველოს მოქალაქეები ევროპაში გამგზავრებას უვიზოდ შეძლებენ. მოგზაურობის უფლება ექნება საქართველოს ყველა მოქალაქეს, მათ შორის ოკუპირებულ ტერიტორიებზე მცხოვრებლებსაც.
ევროინტეგრაციის მინისტრი განმარტავს, რომ ოკუპირებულ ტერიტორიებზე მცხოვრები მოსახლეობა თუკი საქართველოს ბიომეტრულ პასპორტს აიღებს, ისინიც თავისუფლად შეძლებენ ევროპაში უვიზოდ გადაადგილებას.
ხვალ კი პრემიერმინისტრის ხელმძღვანელობით, მთავრობის წევრები სტუდენტებთან ერთად იქნებიან პირველები, რომლებიც ევროკავშირის ქვეყნებში საზღვარს უვიზოდ გადაკვეთენ.
