თელავის ყოფილი გამგებელი ცეცხლსასროლი იარაღით დაჭრეს
საქართველოს პარლამენტის ყოფილი წევრი და თელავის ყოფილი გამგებელი, ვასილ დავითაშვილი ცეცხლსასროლი იარაღით დაჭრეს. გავრცელებული ინფორმაციით, ყოფილ გამგებელს თავდამსხმელი საკუთარ სახლში გაუსწორდა.
დავითაშვილს 8 ტყვია ესროლეს და დაზიანებები მუცლის ღრუსა და ქვედა კიდურებზე აქვს მიყენებული. დაჭრილი თელავის რაიონულ საავადმყოფოშია გადაყვანილი. მას ამ წუთებში ოპერაცია უტარდება.
შსს-ს ინფორმაციით, საქმე სისხლის სამართლის 117-ე და 236-ე მუხლებით მიმდინარეობს.
ვასილ დავითაშვილი 2011 წელს ნაციონალური მოძრაობიდან საქართველოს პარლამენტის წევრი იყო. მანამდე კი თელავის გამგებლის პოსტს იკავებდა.
rustavi2.ge
