TIA.GE - ინტერნეტ ტელევიზია
"ყოველთვის ვაკეთებ იმას, რასაც არავინ" - გიორგი ფხაკაძე
  • "ყოველთვის ვაკეთებ იმას, რასაც არავინ" - გიორგი ფხაკაძე

    ორწლიანი განშორების შემდეგ, უკვე ერთ კვირაზე მეტია რაც ჯანდაცვის ექსპერტი გიორგი ფხაკაძე, სამშობლოშია. „პრაიმტაიმი“ ექსკლუზიურ ვრცელ რეპორტაჟს გთავაზობთ, რომლითაც სულ სხვანაირ გიორგი ფხაკაძეს გაიცნობთ.


    პროფესორი, დიპლომირებული მედიკოსი (MD), ჯანდაცვის მაგისტრატურა (MPH), მედიცინის დოქტორი (PhD), საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი გიორგი ფხაკაძე იხსენებს იმ საწყის ეტაპს, როდესაც მისი ოცნება ქუთაისში, საღორის საავადმყოფოში ქირურგად მუშაობა იყო.

    „პრაიმტაიმთან“ საუბარში იხსენებს იმ დღეს, როდესაც სამშობლოში დაბრუნებული პირველად გავიდა ქუჩაში.

    „საქართველოში ჩამოსვლიდან მეორე დღეს, როდესაც გარეთ გავედი, ქუჩაში ადამიანები უცნაურად მიყურებენ, თითქოს რაღაც დავაშავე. ადრე ასე არ იყო. როგორც ჩანს სოციალურ ქსელში ჩემი აქტიურობიდან გამომდინარე დღეს უკვე ბევრი ადამიანი მცნობს. ადრე ძირითადად აკადემიური სფეროდან პროფესორები, ექიმები, სამედიცინო დაწესებულების ხელმძღვანელები მცნობდნენ.

    მიუხედავად იმისა, რომ პირბადით დავდივარ, მაინც მცნობს. მეკითხებიან, თქვენ ბატონი გიორგი ფხაკაძე ბრძანდებით?! რამოდენიმე საინტერესო საუბარში შედგა სრულიად უცნობ ადამიანებთან. მთხოვენ „სელფების“ გადაღებას.
    974 ნახვა
    8-10-2021, 13:27