მოფარიკავე ალექსანდრა კუვაევა კადეტთა ევროპის თასის გამარჯვებულია
ქართველი მოფარიკავე ალექსანდრა კუვაევა თურქეთის ქალაქ სტამბოლში გამართული კადეტთა ევროპის თასის, EFC Circuit-ის, ჩემპიონი გახდა, - ამის შესახებ ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.
მათივე ინფორმაციით, 15 წლის ხმლით მოფარიკავემ ტურნირზე 11 ორთაბრძოლა გამართა და ყველა დაპირისპირებისას გაიმარჯვა.
