ვანო მერაბიშვილს ვაკეში „უცნობის“ სიძემ სცემა
შინაგან საქმეთა ყოფილ მინისტრს, ვანო მერაბიშვილს ვაკეში ფიზიკურად გია გაჩეჩილაძის (უცნობი) სიძე, გიგიშა შარაშიძე გაუსწორდა. შემთხვევა ორ იანვარს, ვაკეში მდებარე ერთ-ერთ აფთიაქში მოხდა.
მომხდარს ადასტურებს შარაშიძეც.
"დაპირისპირება მოხდა ჩემს და ვანო მერაბიშვილს შორის აფთიაქში. დაპირისპირებასაც ვერ დავარქმევ, რადგან პირველივე წამებიდან გაიქცა ვანო მერაბიშვილი. იქიდან გამომდინარე რომ საზოგადოების დიდი ინტერესია, მე ჩავთვალე თავი ვალდებულად. არც გამოძიებას ვემალები და არც პასუხისმგებლობას გავურბივარ. თუ საჭირო გახდა, დანარჩენზე პასუხს გავცემ სამართალდამცველ ორგანოებს. დანარჩენი, თუ ცოტა მაინც ვაჟკაცობა შერჩენია, თვითონ თქვას," - განაცხადა გიგიშა შარაშიძემ "რუსთავი 2"-თან საუბრისას.
ცნობისთვის, ექსმინისტრის ცემის შესახებ ინფორმაცია გუშინ ვატო შაქარიშვილმა გაავრცელა. მისივე ინფორმაციით, მომხდარის შესახებ ყოფილ მაღალჩინოსანს პოლიციაში არ განუცხადებია.
წყარო: „რუსთავი 2“
