ჩემი სურვილია, უცხოეთში იყოს გადაყვანილი სამკურნალოდ - მეუფე ნიკოლოზი სააკაშვილზე
ახალქალაქის, კუმურდოსა და კარის მიტროპოლიტი, მეუფე ნიკოლოზი აცხადებს, რომ ექსპრეზიდენტი, მიხეილ სააკაშვილი უცხოეთში უნდა იყოს გადაყვანილი.
"მე ვერ გეტყვით, სალომე ზურაბიშვილმა უნდა შეიწყალოს თუ არა. ჩემი სურვილია, რომ [მიხეილ სააკაშვილი] იყოს გადაყვანილი უცხოეთში სამკურნალოდ. დავდივარ ხშირად მასთან და ვხედავ, რომ მძიმდება. ამიტომ, მე შემიძლია, გამოვხატო ეს პოზიცია. ჩემ აზრსაც ვაფიქსირებ და ვფიქრობ, ეს საკმარისია“, - აცხადებს მეუფე ნიკოლოზი.
