META 410 მილიონი დოლარით დააჯარიმეს
პერსონალური მონაცემების დაცვის კომისიამ Facebook-ის, Instagram-ისა და WhatsApp-ის მფლობელი კომპანია Meta-ს 410 მილიონი დოლარით დააჯარიმა.
კომისიის განცხადებით, ამერიკული კომპანია აქტიურად არღვევდა ევროკავშირის კანონმდებლობას და მომხმარებლებს აიძულებდა თანხმობა განეცხადებინათ პირადი მონაცემების გაცემასა და ტარგეტირებული რეკლამების მიღებაზე.
ჯარიმის გადახდის გარდა, Meta-ს ზემოხსენებული პრაქტიკის შეცვლა და მომხმარებლებისთვის შესაბამისი ინფორმაციის სათანადოდ მიწოდება დაევალა, წინააღმდეგ შემთხვევაში, კომპანია განმეორებით დაჯარიმდება.