აშშ-ის ისტორიაში პირველად, ტრანსგენდერი ქალი სიკვდილით დასაჯეს
აშშ-ში მისურის შტატში 49 წლის პატიმარი, ემბერ მაკლაფინი აშშ-ის ისტორიაში პირველი ღიად ტრანსგენდერი ქალი გახდა, რომელიც სიკვდილით დასაჯეს.
ის სასჯელს ყოფილი მეგობარი ქალის თვალთვალის, ადევნებისა და მკვლელობისთვის იხდიდა. მაკლაფინმა მეგობარი ქალი 2003 წელს მოკლა, შემდეგ კი მისი გვამი ქალაქ სენტ ლუისში, მდინარე მისისიპიში ჩააგდო.
მაკლაფინის ბედი საბოლოოდ სამშაბათს გადაწყდა, როდესაც მისურის შტატის გუბერნატორმა, მაიკ პერსონმა მას შეწყალების თხოვნაზე უარი კიდევ ერთხელ უთხრა.
მაკლაფინი და მისი ადვოკატები რესპუბლიკელ გუბერნატორს, მაიკ პერსონს სასჯელის შემსუბუქებას სთხოვდნენ და აცხადებდნენ, რომ გარდა იმისა, რომ მსაჯულები სიკვდილით დასჯაზე ვერ შეთანხმდნენ, მათი თქმით, მაკლაფინმა პატიმრობისას ჩადენილი დანაშაულის მიმართ გულითადი სინანული გამოიჩინა.
ემბერ მაკლაფინი უკანასკნელ საჯარო წერილში აღნიშნავდა, რომ ის დანაშაულს გულწრფელად ინანიებდა.
