გარეთ ბეილმა საფეხბურთო კარიერა დაასრულა
33 წლის უელსელმა ფეხბურთელმა, გარეთ ბეილმა კარიერის დასრულების შესახებ განაცხადა. ამის შესახებ მან სოციალურ ქსელში დაწერა.
"სერიოზული და სიღრმისეული ფიქრის შემდეგ, საკლუბო და სანაკრებო კარიერის დასრულების გადაწყვეტილება მივიღე.
ძალიან გამიმართლა, ოცნება ავისრულე - დაკავებული ვიყავი ჩემი საყვარელი სპორტით. ამ ყველაფერმა ცხოვრების საუკეთესო მომენტები მაჩუქა. უმაღლეს დონეზე 17 სეზონზე მეტი ვითამაშე - რაც არ უნდა იყოს ჩემი ცხოვრების შემდეგი გვერდი, ამის გამეორება შეუძლებელი იქნება.
შეუძლებლად მეჩვენება მადლობა გადავუხადო ყველა ადამიანს, რომლებმაც ამ თავგადასავალში დიდი როლი ითამაშეს. ბევრი ადამიანის წინაშე ვალდებულებად ვგრძნობ, იმის გამო, რომ დამეხმარნენ ცხოვრების შეცვლაში და ისეთი კარიერა ამაწყობინეს, როგორზეც ვერც ვიოცნებებდი მაშინ, როცა 9 წლის ვიყავი და თამაში პირველად დავიწყე.
მოუთმენლად ველოდები ცხოვრების შემდეგ ეტაპს. ცვლილებების დრო და ახალი თავგადასავლების შანსია", - წერს ფეხბურთელი.
