რადიკალებს „ნაციონალური მოძრაობა“ თავზე ენგრევათ - რატი იონათამიშვილი
"ქართული ოცნების" წევრმა, რატი იონათამიშვილი სოციალურ ქსელში განაცხადა, რომ რადიკალებს „ნაციონალური მოძრაობა“ თავზე ენგრევათ.
„ჩვენ ამას ყველაფერს წლების განმავლობაში ვხედავდით, როცა ხელისუფლებაში იყვნენ. ახლა, როცა ოპოზიციაში არიან, იგივეს აკეთებენ. არა მარტო ამ მიმართულებით. გრიგოლ რობაქიძის სიტყვები მახსენდება - გველი იცვლის კანს, მაგრამ არა ზნეს“, - განაცხადა იონათამიშვილმა.
სოციალურ ქსელში გავრცელდა ჩანაწერი, სადაც სავარაუდოდ, „ნაციონალური მოძრაობის“ თავმჯდომარე ნიკა მელია, სავარაუდოდ ყოფილ პრეზიდენტზე, მიხეილ სააკაშვილზე უცენზურო სიტყვებით საუბრობს. გამოქვეყნებულ ვიდეოზე მითითებულია, რომ საუბარი ჩაწერილია 2021 წლის არჩევნებამდე.
