ავტომობილი ხევში გადავარდა - დაღუპულია სიღნაღის მერიის თანამშრომელი
სიღნაღის მუნიციპალიტეტში, ნუკრიანი-ჩალაუბნის დამაკავშირებელ ცენტრალურ საავტომობილო გზაზე ავარია მოხდა. თვითმხილველების თქმით, „ტოიოტა რავ 4“-ის მძღოლმა საჭე ვერ დაიმორჩილა და ხევში გადავარდა.
შემთხვევის შედეგად ადგილზე გარდაიცვალა ავტომობილის მგზავრი, სიღნაღის მუნიციპალიტეტის მერიის თანამშრომელი, ხოლო რამდენიმე ადამიანი დაშავდა, შედარებით მძიმეა ერთი მოქალაქის ჯანმრთელობის მდგომარეობა. ის კლინიკაშია გადაყვანილი.
