არის საქართველოს ექიმების დისკრედიტაციის მცდელობა - რას ამბობს ნინო გოგორიშვილი "მაგნიტსკის სიაზე"?
გორის სამხედრო ჰოსპიტალში მიხეილ სააკაშვილის მკურნალი ექიმი, ნინო გოგორიშვილი "მაგნიტსკის სიაში" შეყვანას ეხმაურება.
მისი თქმით, ეს არის საქართველოს ექიმების დისკრედიტაციის მცდელობა.
"მიხეილ სააკაშვილის მკურნალობა, სამედიცინო დოკუმენტაციის წარმოება, მისი გაწერა, წარმოებდა საქართველოს კანონმდებლობის სრული დაცვით. გარდა ამისა, რაღაც გაუგებარ სიაში ექიმების შეყვანა, რაც თქვენ ახსენეთ, მე ვთვლი რომ არის საქართველოს ექიმების დისკრედიტაციის მცდელობა. ფორმა 100-ც არსებობს, რომელიც არის სამედიცინო დოკუმენტაცია, უზარმაზარი, რომელიც დევს საქმეში", - თქვა გოგორიშვილმა.
ცნობისთვის, სიაში მოხვდება ადამიანები, რომლებიც მიხეილ სააკაშვილის მკურნალობას "აფერხებს".
