"ოცნების" ლიდერები კვარას საგულშემატკივროდ ნეაპოლში ჩავიდნენ - "სელფი" სტადიონიდან
"ქართული ოცნების" ლიდერები "ნაპოლის" ქართველი გარემარბის, ხვიჩა კვარაცხელიას საგულშემატკივროდ ნეაპოლში ჩავიდნენ. ისინი კვარას სტადიონიდან ქომაგობდნენ. ფოტოს სოციალურ ქსელში პარლამენტის თავმჯდომარე, შალვა პაპუაშვილი ავრცელებს. პარლამენტის სპიკერთან ერთად ირაკლი კობახიძე, ბექა ოდიშარია, ვიქტორ სანიკიძე, ირაკლი ჩიქოვანი და გიორგი ამილახვარი არიან.
შეგახსენებთ, რომ იტალიის სერია ა-ს შეხვედრაში "ნაპოლიმ" "იუვენტუსი" 5:1 გაანადგურა. ქართველი სპორტსმენი ტრავმის მერე კრიტიკის ქვეშ მოჰყვა, თუმცა "ბებერ ქალბატონთან" შეხვედრაში 1 გოლი გაიტანა, 2 საგოლე გადაცემა გააკეთა და მატჩის შემდეგ კი უმაღლესი - 9.8 შეფასება მიიღო.
