რუსეთი ხანგრძლივი ომისთვის ემზადება? - ოფიციალური კიევი ახალ ინფორმაციას ავრცელებს
უკრაინის თავდაცვის სამინისტროს დაზვერვის მთავარი სამმართველო აცხადებს, რომ რუსეთი ხანგრძლივი ომისთვის ემზადება და ეკონომიკა „სამხედრო რელსებზე“ გადაჰყავს.
„პუტინის მიერ მიღებული ზომები რუსეთის ფედერაციის ეკონომიკისა და სამხედრო-სამრეწველო კომპლექსის რეორგანიზაციისთვის მოწმობს, რომ რუსეთი საომარ მდგომარეობაში გადასასვლელად ემზადება. ამ ზომების მიზანია რუსეთის ფედერაციის შეიარაღებული ძალების პოტენციალის გაძლიერება და პირობების შექმნა ოპერაციების ჩასატარებლად, რომელიც ომის დასაწყისში დაიგეგმა”, - აცხადებენ უკრაინის სამხედრო დაზვერვაში.
ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო.
