საქართველოში „ციმბირის ანტიციკლონს“ ელოდებიან
საქართველოში ქარი 15 იანვრიდან ჩადგება და 20 იანვრამდე უმეტესად უნალექო ამინდია მოსალოდნელი. ამის შესახებ სინოპტიკოსი, დოდო გვაზავა აცხადებს.
„15 იანვრის ღამის საათებში დასავლეთ საქართველოში ქარი მთლიანად ჩადგება და ზამთრის პერიოდთან შედარებით, წყნარი ამინდებია მოსალოდნელი 15-დან 21-22 იანვრამდე. ამ პერიოდიდან კი ის ე.წ ციმბირის ანტიციკლონი, რომელიც განაპირობებდა 9 იანვრიდან 14 იანვრამდე საქართველოს ამინდს, კვლავ იქნება მისი მოქმედებების შემოსვლა და დაწყება კასპიის ზღვის ჩრდილო-აღმოსავლეთიდან, განსაკუთრებით აღმოსავლეთ საქართველოში, თუმცა ის შედარებით სუსტი იქნება," -ამბობს სინოპტიკოსი დოდო გვაზავა.
