დნიპროში, საცხოვრებელ კორპუსზე სარაკეტო თავდასხმის შედეგად მსხვერპლთა რიცხვი 12-მდე გაიზარდა - არიან დაშავებულებიც
გუშინ, 14 იანვარს, ქალაქ დნიპროში მრავალსართულიან საცხოვრებელ კორპუსზე რუსულმა ძალებმა სარაკეტო თავდასხმა განახორციელეს. შედეგად 12 ადამიანი, მათ შორის 15 წლის გოგონა დაიღუპა, დაშავდა 73.
ინფორმაციას უკრაინული მედია ავრცელებს.
გავრცელებული ინფორმაციით, დაჭრილებიდან ყველაზე უმცროსი სამი წლისაა. ცხრა წლის გოგონას მდგომარეობა კი მძიმეა.
