რუსეთის ეკონომიკა მოსალოდნელზე უკეთესად მუშაობს - რას ამბობს ვლადიმერ პუტინი?
რუსეთის პრეზიდენტი, ვლადიმერ პუტინი აცხადებს, რომ რუსეთის ეკონომიკა გასულ წელს 2.5%-ით შემცირდა, თუმცა ეს შედეგი ექსპერტების პროგნოზებზე უკეთესია.
მისი თქმით, რუსეთის ეკონომიკა მოსალოდნელზე უკეთესად მუშაობს.
"ჩვენმა ზოგიერთმა ექსპერტმა, რომ აღარაფერი ვთქვათ უცხოელებზე, იწინასწარმეტყველა კლება 10%-ით და 15%-ით ან თუნდაც 20%-ით, თუმცა მთლიანი წლის განმავლობაში მოსალოდნელია კლება 2.5%-ით. რუსეთის ეკონომიკა მოსალოდნელზე უკეთესად მუშაობს“, - განაცხადა პუტინმა.
