აშშ-ში მიიჩნევენ, რომ უკრაინამ ყურადღება უნდა გაამახვილოს, ფრონტის სამხრეთ ნაწილში კონტრიერიშის მომზადებაზე - რას ამბობს უცხოური მედია?
აშშ-ში მიიჩნევენ, რომ უკრაინამ თავისი ყურადღება უნდა გაამახვილოს არა ბახმუტთან მიმდინარე ბრძოლებზე, არამედ ფრონტის სამხრეთ ნაწილში კონტრიერიშისთვის მომზადებაზე, - ამის შესახებ თეთრი სახლის მაღალჩინოსანზე დაყრდნობით სააგენტო Agence France-Presse წერს.
ჯო ბაიდენის ადმინისტრაციის წარმომადგენლის თქმით, „დრო მუშაობს რუსეთის სასარგებლოდ, რომელსაც საარტილერიო და ადამიანური რესურსის მხრივ უპირატესობა აქვს. რუსეთის მიერ ბახმუტის აღება არ გამოიტანს რაიმე ხელშესახებ შედეგს, ვინაიდან უკრაინული ძალები კარგად დაცულ პოზიციებზე დაიხევდნენ უკან".
ცნობისთვის, აშშ-მ უკრაინას $2,5 მილიარდის სამხედრო დახმარება გამოუყო.
