თელავში ტყე იწვის
თელავის მუნიციპალიტეტის, სოფელ ართანიდან 16 კილომეტრში, ტყეში ხანძარია.
ცეცხლი, სავარაუდოდ, ტყის ქვედა ფენას, ხმელ ფოთოლს და ბალახს უკიდია.
სოფელში ხანძარი საღამოს შენიშნეს და სახანძრო- სამაშველო სამსახურს შეატყობინეს.
ადგილზე იმყოფებიან სახანძრო სამაშველო სამსახურის და ადგილობრივი ხელისუფლების წარმომადგენლები. ხანძრის ლოკალიზების სამუშაოები გამთენიისას დაიწყება.
ხანძრის გაჩენის მიზეზი, ჯერჯერობით უცნობია.
