"ის ჩემთვის არავინაა..." - ვოლოდიმირ ზელენსკი პუტინზე
უკრაინის პრეზიდენტმა, ვოლოდიმირ ზელენსკიმ განაცხადა, რომ არ არის დაინტერესებული რუსეთის პრეზიდენტთან, ვლადიმერ პუტინთან მოლაპარაკებებით. ამის შესახებ მან Sky News- თან ინტერვიუში განაცხადა.
ჟურნალისტის კითხვაზე პუტინთან შეხვედრა დაასრულებს თუ არა ომს, ზელენსკიმ კითხვის საპასუხოდ თქვა, რომ ამით დაინტერესებული არ არის.
"არ მაინტერესებს. არც შეხვედრაა, არც საუბარი...“, - აცხადებს ზელენსკი.
პრეზიდენტ ზელენსკის თქმით, უკრაინას არ სურს ბრძოლა რუსეთის ტერიტორიაზე, რადგან ხალხი პრიორიტეტია.
"უბრალოდ მინდა, რაც შეიძლება მალე შეწყვიტონ ომი და რაც შეიძლება მალე დატოვონ ჩვენი ქვეყანა. დანამდვილებით შემიძლია გითხრათ, რომ თუ ისინი დატოვებენ ჩვენს ტერიტორიას, ომი შეწყდება. სულ ეს არის“, - დასძინა ზელენსკიმ.
კითხვაზე, დაგვიანებულია თუ არა მოლაპარაკებები, ზელენსკიმ თქვა, რომ უკრაინაში სრულმასშტაბიანი შეჭრის შემდეგ პუტინის მისთვის არავინაა.
"სრულმასშტაბიანი შემოჭრის შემდეგ, პუტინი ჩემთვის არავინაა“, - აცხადებს ზელენსკი.
შეგახსენებთ, 2022 წლის 24 თებერვალს რუსეთი უკრაინაში შეიჭრა.
