„21-ე საუკუნეში ადამიანი კვლავ არ არის საკმარისად დაცული“ - სალომე ზურაბიშვილი
საქართველოს პრეზიდენტის, სალომე ზურაბიშვილის განცხადებით, 21-ე საუკუნეში ადამიანი კვლავ არ არის საკმარისად დაცული მისი ფუნდამენტური უფლებების ხელშეუხებლობისგან. ამის შესახებ პრეზიდენტი სოციალურ ქსელში წერს.
„ჰოლოკოსტის მსხვერპლთა ხსოვნის საერთაშორისო დღეს ვიხსენებთ მილიონობით უდანაშაულო მსხვერპლს, რომლებიც ადამიანების იდეოლოგიურ გადაგვარებას შეეწირნენ. დღეს განგვიახლდა იმ ტკივილისა და სირცხვილის შეგრძნება, რომელსაც კაცობრიობა ჰოლოკოსტის დანაშაულის გამოაშკარავების შემდეგ განიცდიდა.
ჰოლოკოსტის სისასტიკის მიუხედავად, 21-ე საუკუნეში, ომებისა და იდეოლოგიური განსხვავებულობის გამო, სამწუხაროდ, ადამიანი, როგორც უზენაესი ღირებულება, კვლავ არ არის საკმარისად დაცული მისი ფუნდამენტური უფლებების ხელშეუხებლობისგან. დღევანდელი დღე მთელი კაცობრიობისთვის კიდევ ერთი გაფრთხილებაა, რომ არასოდეს დავუშვათ არაჰუმანური აზროვნების აღზევება, რამაც შეიძლება, ჰოლოკოსტის მსგავს კატასტროფულ შედეგებამდე მიგვიყვანოს“, – წერს სალომე ზურაბიშვილი.
ჰოლოკოსტის მსხვერპლთა ხსოვნის საერთაშორისო დღეს ვიხსენებთ მილიონობით უდანაშაულო მსხვერპლს, რომლებიც ადამიანების...Опубликовано სალომე ზურაბიშვილი / Salome Zourabichvili Пятница, 27 января 2023 г.
