სამწლიანი პაუზის შემდეგ საქართველოსა და ჩინეთს შორის საჰაერო მიმოსვლა აღდგა
სამწლიანი პაუზის შემდეგ საქართველოსა და ჩინეთს შორის საჰაერო მიმოსვლა აღდგა. ფრენები ავიაკომპანია China Southern Airlines-მა თბილისის საერთაშორისო აეროპორტში განაახლა.
ჩინურმა ავიაკომპანიამ ურუმჩიდან თბილისის მიმართულებით დღეს პირველი რეისი შეასრულა.
China Southern Airlines ურუმჩი-თბილისი-ურუმჩის მიმართულებით ზამთრის სანავიგაციო სეზონზე კვირაში ერთხელ, პარასკევობით იფრენს, ზაფხულის სეზონზე კი - მოთხოვნის შესაბამისად, სიხშირეების გაზრდას გეგმავს.
