ჩეხეთის საპრეზიდენტო არჩევნებში გადამდგარმა გენერალმა, პეტრ პაველმა გაიმარჯვა
ჩეხეთის საპრეზიდენტო არჩევნების მეორე ტურში, გადამდგარმა გენერალმა, პეტრ პაველმა გაიმარჯვა. მედიის ცნობით, მას ხმა ამომრჩეველთა 57,95%-მა მისცა.
ამომრჩეველთა 42,04%-ის მხარდაჭერა მიიღო ექსპრემიერმა, 68 წლის მილიარდერმა ანდრეი ბაბიშმა.
შუალედური შედეგების მიხედვით, ამომრჩეველთა აქტივობა თითქმის 70%-ია. ეს რეკორდული მაჩვენებელია ქვეყანაში. 8 მარტს პაველი ოფიციალურად შეცვლის მილოშ ზემანს სახელმწიფოს მეთაურის პოსტზე.
