"მთელი ოჯახი გაიყინა, მათ შორის ბავშვები...“ - ავღანეთში ყინვას ათობით ადამიანი ემსხვერპლა
10-26 იანვრამდე, ავღანეთში ტემპერატურა მინუს 34 გრადუსამდე დაეცა, რასაც 162 ადამიანი შეეწირა. ინფორმაციას დასავლური მედია ავრცელებს.
რამდენიმე დღით ადრე თალიბები იტყობინებოდნენ, რომ ყინვებს 70 ათასამდე სული საქონელი ემსხვერპლა, რაც ნიშნავს, რომ ქვეყანაში საკვების დეფიციტი კიდევ უფრო გამწვავდება.
სიცივით დაღუპულთა უმრავლესობა მწყემსები და სოფლად მცხოვრები ადამიანები არიან, რომლებსაც უმძიმეს პირობებში უწევთ ცხოვრება და ვერ სარგებლობენ სამედიცინო მომსახურებით.
"მთელი ოჯახი გაიყინა, მათ შორის მცირეწლოვანი ბავშვები... უამრავი ოჯახი ფაქტობრივად, გადაუხურავ შენობებში, პირდაპირ მიწაზე ცხოვრობს. საცხოვრებელი სახლების უმეტესობა ისეთია, რომ სითბოს არ ინარჩუნებს", - წერს დასავლური მედია.
