„პოლიტიკური განხილვების დრო აღარ არის“ - რასა იუკნევიჩიანე მიხეილ სააკაშვილის მდგომარეობაზე
ევროპარლამენტარი, რასა იუკნევიჩიანე ექსპრეზიდენტ, მიხეილ სააკაშვილთან დაკავშირებით საუბრობს და აცხადებს, რომ ხელისუფლებამ სასწრაფოდ უნდა განახორციელოს მისი ინტენსიური თერაპიის განყოფილებაში გადაყვანა და საჭირო მკურნალობის ჩატარება.
„პრეზიდენტ მიხეილ სააკაშვილის მდგომარეობამ კრიტიკულ ნიშნულს მიაღწია და ყოველწუთიერად უარესდება. მოვუწოდებ საქართველოს ხელისუფლებას, დაუშვან მისი სასწრაფოდ გადაყვანა კლინიკაში, ინტენსიური თერაპიის განყოფილებაში საჭირო მკურნალობის მისაღებად. პოლიტიკური განხილვების დრო აღარ არის“, - წერს ევროპარლამენტარი Twitter-ზე.
