აშშ-ის გამოძიების ფედერალურმა ბიურომ ჯო ბაიდენის სახლი გაჩხრიკა
აშშ-ის გამოძიების ფედერალურმა ბიურომ პრეზიდენტ ჯო ბაიდენის სახლი გაჩხრიკა. საქმე საიდუმლო დოკუმენტების შენახვის წესის შესაძლო დარღვევას ეხება. ინფორმაციას BBC ავრცელებს.
4-საათიანი ჩხრეკის შედეგად პრეზიდენტის სახლში წესების დარღვევით შენახული საიდუმლო დოკუმენტები არ აღმოუჩენიათ.
10 იანვარს ცნობილი გახდა, რომ აშშ-ის იუსტიციის დეპარტამენტმა ჯო ბაიდენის ვიცე-პრეზიდენტობის დროინდელი საიდუმლო დოკუმენტების შესწავლა დაიწყო, რომელიც გასული წლის ნოემბრამდე ანალიტიკურ ცენტრ Penn Biden Center-ში ინახებოდა.
ბაიდენის მის ყოფილ ოფისში საიდუმლო დოკუმენტების აღმოჩენით გაკვირვებულია და მზადაა, გამოძიებასთან ითანამშრომლოს.
