იმდენი აგინა გუბაზმა ქართველ ხალხს სააკაშვილისა და კეზერაშვილის მედიებიდან, რომ 10%-ით გაიზარდა მთავრობის საქმიანობის მოწონება - რას ამბობს თამარ ჩერგოლეიშვილი?

„ტაბულას“ დამფუძნებელი, თამარ ჩერგოლეიშვილი აცხადებს, რომ  მთავრობის საქმიანობის მოწონება 10%-ით გაიზარდა.

„ძალიან ახლოს ვართ საზოგადოების გატეხვასთან. ეს ყველაფერი არის, მათ შორის, უშედეგოდ ჩაშლილი ბოიკოტის ბრალი. ეს ყველაფერი არის, მათ შორის, იმის ბრალი რომ პოლიტიკურ შინაარსში მოქალაქე საერთოდ აღარ ჩანს - მარტო ერთი ადამიანის ჯანმრთელობაა ბანკროტი პოლიტიკური სპექტრის თემა. ეს ყველაფერი არის, მათ შორის, იმის ბრალი, რომ სიტყვებს მნიშვნელობა აღარ აქვს, არაფერი ნაღდი აღარ არის და ყველაფერი ჩრდილიდან იმართება. ჩვენ გვჭირდება ხალხის შთაგონება. ჩვენ გვჭირდება ისეთი პოლიტიკოსები, ვის სიტყვასაც ფასი აქვს. ჩვენ გვჭირდება ისეთი ენერგია, რომელიც ხალხს იმედს მისცემს და საკუთარი თავის რწმენით აღავსებს.

იმდენი აგინა გუბაზმა ქართველ ხალხს სააკაშვილისა და კეზერაშვილის მედიებიდან - 10%-ით გაიზარდა მთავრობის საქმიანობის მოწონება“, - წერს ჩერგოლეიშვილი.

ეროვნულ-დემოკრატიული ინსტიტუტის (NDI) კვლევის მიხედვით, გასული წლის შემდეგ მთავრობის საქმიანობის დადებითი შეფასება 10 პროცენტით გაიზარდა.